المشاركات

جوه منك

جوه منك شمس صافيه  جمال الصبح و البدايات عشقتينى انا بالذات  فمت بعشقى جواكى و بحس ف قربك و هواكى بسكون الليل و بسحر الضى انا عمرى ما عشت اللى ملوش زى الا معاكى وياكى بعيش الوقت الضايع لهفه و شوق انا اول ما بشوفك جايه بحس الدنيا ف وقت شروق غلاوتك عندى موصفهاش و لا يكفيكى  كلامى ف كل اشعارى يا نور نورلى مشوارى عنيكى سر اسرارى ضعيف قدامها بنسانى بدوب لو باينه اوصافها بتوه لو هى وحشانى مصيرى انا عارفه لو تفضل عنيكى بتحلى و تدّفِى قلبى بسرها المخفى وحضنى بكل اتباعه جمال روحك حنان قلبك  كفايه عندى بيساعوا # نبيل_مختار
إرسال تعليق
قراءة المزيد

أختك

اختك سرك وصراحتك والملجأ المكتوب تلجأله اختك راحتك حضنها براحتك تشتاقله اختك عينك شايفاك منها فهماك اكتر ما انت فاهمها اختك انت ف انسان تانى جمبك مهما تكون وحدانى دموعها بتنزل قبل دموعك دايما حاسه بكل اوجاعك تفرح تفرح برده معاك شابكه دراعها ف قلب دراعك بتخاف على قلبك بزياده بتسيب حكاياتها وتحكى معاك بترخم وساعات بغتاته بس ف عز حنانها ملاك بتسامح مهما تكون غلطان  بتعاتب اصلا حباً فيك اختك جت فى الدنيا عشان تحمد ربنا انها حواليك
إرسال تعليق
قراءة المزيد

بوس الايدين

بوس الايدين من جوه الكف احساس هيخلى القلب يلف هتحس انك اكتشفت احاسيس كانت متداريه هتحس انك خدت حضن من شخص غالى عليك وقاسى و جه عليه اليوم و حن  فتحس برعشة حنيه فتحس بدنيا براح ف براح وتكون اكتر انسان مرتاح فتحس بدنيا غير الدنيا وتعيش مش عايز حاجه تانيه وتحس انك عوضت سنين ضاعت علشان مش عارف مين و بتنسى الاحزان و ف ثانيه وساعتها هتتمنى انها تفضل جوه حضن ايديك شويه و شفايفها اثرها يدوم اطول من اول لحظه رومانسيه
إرسال تعليق
قراءة المزيد

التشابه

كل حاجه لقتها فيا هى هى لقتها فيكى الشقاوه فيكى فيا والحلاوه اللى ف عنيكى والدموع اللى بتجرى وقت ما نصعب علينا والشرود اللى بيصحى وقت ما شوقنا ينادينا القلوب الصافيه دايما اللى بتسامح وتنسى والحنين اللى يصالح لما نيجى ف مره نقسى كل حاجه فينا هى كل حاجه انا قولتها التشابه فيكى فيا روح وقسمت نفسها
إرسال تعليق
قراءة المزيد
ملحقتش اشوف جدى وستى ملحقتش ادوق بركة ابويا كان نفسى اكون بيه دلوقتى حاجه كبيره تملا العين ملحقتش اشبع منه سنين مش عارف بعده انا ايه صابنى . انا فاكر كل مواقفى معاه كنت اضرب عيل واجرى عليه واقوله ده هو اللى ضربنى الاب حماية وضهر وسند وكتف يشيلك مبيتعبش والام كنايه عن الضحكايه وحضن لزومه زى العفش انا حاسس انى بقيت تايه وانا جوه البيت الذكرى فى كل مكان ليكى مرسومه ع الحيط ان كان ذكرى لضرب الشبشب ولا عشان خلصت الواجب تقومى قايلالى روح اتهبب انا من بعدكوا طفل اتعذب لكن بدعى وبحمد ربى اصلى بلاقى الدعوه امان فاغفر لهما يا رحمن
إرسال تعليق
قراءة المزيد

فى الغياب

ده اللى يعشق حد زيك  فى الغياب يبقى حاله حال القمر و يقضى طول الليل سهر و يعيش فى حاله من الكئابه و يحس احساس الغلابه بإنه مش لاقى الحما و يعيش ملوش غير السما وحاله متغير وباين يا عينى مش عارف يعيش فياريت يعنى لو ينفع قبل ما تغيبى تقوليله ده شكله زى اللى ماتله ميت مش لاقى اللى يقوله تعيش فياريت يعنى لو ينفع من الاصل متغيبيش
إرسال تعليق
قراءة المزيد

بحبك حب الاطفال

انتى الوحيده من يومها ومعاها بحس انى صغير وبحبك حب الاطفال وبغير و بخاف اتغير وبخاف لتغيبى يومين على بعض وبشوفك عينى تشوف الارض واجمع كام دبدوب على ورد واجى اجيبهوملك اتلعبك واكتب جوابات واوصف قلبك واجى عشان تخديهم اخاف وارميهم جوه دولابى الزهرى ويبقى ولا من درى ولا شاف و انا حبى ليكى اصله فراق انا شوفت عنيكى ف قلبى فاق وساب البنت اللى ف ايده وفارقها وسب اللى جايبها وحس ب حبك يستاهل من يومها وانا رجعت صغير وبقول وياكى للأخر
إرسال تعليق
قراءة المزيد