بحبك حب الاطفال

انتى الوحيده من يومها
ومعاها بحس انى صغير
وبحبك حب الاطفال
وبغير و بخاف اتغير
وبخاف لتغيبى يومين على بعض
وبشوفك عينى تشوف الارض
واجمع كام دبدوب على ورد
واجى اجيبهوملك اتلعبك
واكتب جوابات واوصف قلبك
واجى عشان تخديهم اخاف
وارميهم جوه دولابى الزهرى
ويبقى ولا من درى ولا شاف
و انا حبى ليكى اصله فراق
انا شوفت عنيكى ف قلبى فاق
وساب البنت اللى ف ايده
وفارقها وسب اللى جايبها
وحس ب حبك يستاهل
من يومها وانا رجعت صغير
وبقول وياكى للأخر

تعليقات

إرسال تعليق

المشاركات الشائعة من هذه المدونة

انتى شئ ملايكى جدا

انتى شئ ملايكى جدا فيكى كل شئ يجنن اه من روحك لما تضحك انتى اجمل شئ حنين انتى اختى وانتى بنتى انتى اوضح شئ فـ حيرتى انتى حبى لما يكبر انتى سرى مسيره يظهر فيكى لهفه وفيكى حيره فعنيكى شوق لشوق عنيا فيكى رقه وفيكى طيبه فيكي سنين حلوه جايه جواكى مكانى مليش غيره يا اجمل بنت من جوه ده قلبك سر سحر الكون برائتك منتهى القوه فيكى حته شقاوه بيتى فيكى قسوه بطبع لين انتى شئ ملايكى جدا انتى اجمل شئ حنين
قراءة المزيد

انا خايف

انا خايف افضل عايش مستنيه وكمان خايف استنى كمان ومبقاش ليه واكون ضيعت سنين فى حياتى وكل ده ليه علشان قلبى داب فى هواه وفوق ده كله اتعلق بيه زادت فترة وحدتى بأكتر ما كنت اتوقعها وخايف تزيد فى سكتى فترات كتيرة بأوجاعها محدش عارف حيرتى فى بعده عامله ازاى انا بسال نفسى مليون مره .. جاى ولا خلاص مش جاى فارقه معايا وعايز اعرف حبيبى ازاى سايبنى وغايب .. ولسه فاكر ؟ ولا عامل فيها نساى انا خايف افضل عايش مستنيه وكمان خايف مستحملش اللى انا فيه ويطول عذابى بطول غيابه وكل ده ليه علشان بعد ما خلاص سابنى لسه انا برضه بحن إليه زادت فترة وحدتى بأكتر ما كنت اتوقعها وخايف تزيد فى سكتى فترات كتيرة بأوجاعها
قراءة المزيد

التشابه

كل حاجه لقتها فيا هى هى لقتها فيكى الشقاوه فيكى فيا والحلاوه اللى ف عنيكى والدموع اللى بتجرى وقت ما نصعب علينا والشرود اللى بيصحى وقت ما شوقنا ينادينا القلوب الصافيه دايما اللى بتسامح وتنسى والحنين اللى يصالح لما نيجى ف مره نقسى كل حاجه فينا هى كل حاجه انا قولتها التشابه فيكى فيا روح وقسمت نفسها
قراءة المزيد