Nabil poet

خلاص قلبى خد قراره متدمعيش و سبينى اعيش بغلطه من قلبك دوقت ناره وحسيت انى فيكى مليش قليل اللى يسامح خاين بعد اعتزاره ويمكن كمان متلقيش قلبى اداكى حب وحياته وانتى بحنانه محستيش غلطتك استحمليها لوحدك وبرجوعى متحلميش

هى بقت ماضى حلم فات وانتهى وانتى الحاضر واللى مليش بعدها ومتزعليش انتى مش اول واحده احبها بس انا لقيت فيكى حياتى كلها ومتفتكريش ان انا لسه بحبها لا انا نسيت ايام ندمت ان انا عشتها صدقتنى وشوفت فى عنيها اللى مشفتوش فى حد قبلها وحست كلامى انه صادق وبعدها نامت فى حضنى وحسستنى بحبها

عمرى انا عايشه ليك ومليش غيرك حبيب ولو مكنتش هعيش عشانك كنت هعيش غريب عشقانى ومين قدى بتحبنى و شايلها فى عينى وكمان بدى اعيش معاها عمرى ملكش فى الدنيا دى غيرى وانا الوحيد اللى فاهمك حبى فى قلبك ومين غيرى يعشقك عمره ويحسك

خلاص هنبعد زى اى اتنين مفيش حاجه بينا تعيشنا ولو حتى يومين والوعد بتاعنا زى اى ورقه اتحرقت او زى اى كلمه باستيكه اتمسحت عشتى معايا يومين كده وخلاص وعشت معاكى يومين باجمل احساس بس يا خساره ملناش نصيب وبقيت اشوفك زى كل الناس و يا خساره كان نفسى اعيش وياكى سنين واحس باللى محستوش مع ناس تانيين كنت هشيلك فى عنين حنينين واضمك فى قلبى ونبقى اجمل عروسين

انا زهقان ومش فى دماغى اكتب شعر بس جه فى دماغى فكره فى عز الحر ودماغى لسعت من السخونه وبجد لازم تسمعونى ३० سنة فى الضياع اتسلبنا واتنهبنا واتشتمنا واتوكسنا و.................. كل ده بسبب شخص بيقولوله دلوقتى يا بابا هما مكنوش عايشين معانا عشان يحكموا دول كانوا فى مارينا بيصيفه حكايته انه داس على شعب وفرمه ونهبه واخد حنانه مهنش عليه يسبله سنانه ياكل بيها ويكبر ويفهم لكن الشعب مستناش منه عطف قام ومسكتناش واخدنا حقنا ولسه هناخده لاخر حرف وبنادى باعدامه فى الميدان نحدفه بالطوب الاول وبعد كده نموته كل واحد فينا يا خد حقه

ليه نرجع وليه ننسى ايام فارقنا بعض عشانها ده لو نسيناها اكيد هتتكرر ومش هينفع نحب بعض ونرجع من تانى نتفارق مسحت دموع عنيك بايدى ولا تنسى حبنا مكتوبله كده متحزنشى ولا تأسى جرب حياه تانيه مع غيرى اكيد هتفهمها هى الحياة كده مش زى ما احنا بنحلمها