Nabil poet

هنرجع ياريت واللى كان بينا هيرجعنا اكيد وانا حاسس اننا مش بعيد وبلهفتنا بنقرب وفرحتنا بتزيد ولما بشوفها بحس باحساس جديد وبنعيد اللى عملناه واحنا صغيرين ونرسم مع القلب حرفين واحنا من الشوق مشتاقين ومن نظره مع دقت قلب بنكون دايبين خلاص حلمنا بقى ياريت اننا نرجع من جديد

بان فى عنينا والناس خدوا بالهم الشوق مالينا طب مالنا ومالهم الحب كبير جوانا ومش هيوقفنا كلامهم هنحقق كل امانينا ومش هنضعف ونسلم وهنخبى الهوا جوانا وهنقول قدامهم ونتكلم ضاع الحب وهوانا واحنا منهم بنأمن

يا قلبى ليه كسرتها ليه مردتش تسمعلها مش كنت تحس بندمها ده انت كده ظلمتها متقولش مش وقت عتاب ده جرحها خلاص طاب ومكنش له لازمه تحاسبها ده ندمها كان العقاب انسى بقى اللى فات وكان ومتفكرش تانى فى زمان حس بيها وروحلها وعوضها بُعد الايام

اللى شوفته مشوفتش زيه فى حياتى ولا اى ليلة اغلى فى حياتى زى الليلادى ده ابتدت حكاياتى اللى زمان انا شوفته معاها شوفت غيره واتمنيت افضل معاها لو حتى اليوم بطوله احساسها مكنش عادى واللى حسيته عدى حساباتى وانا بلمس ايدها بإديا كنت خايف ارمش لتفوتنى نظرتها وانا بحس فى عنيها كلمتها من قبل ما تقولها ليا

انا مش قادر انسى حكايتى معاها يومين وانسى ازاى ده اللى انا عشته معاها سنين حبها ليا راح فى ثوانى فى غمضة عين بعدها عنى اثر فيا ارجع ليا روحت لفين انا وقلبى بيها بنحلم ومحناش عايشين مهما نقابل عن نسيانها مش قادرين

لو باعنى يبقى وفر عليا كنت لسه هقوله معدتش حباك عنيا لما كنت بحبه مكنش باين حب عليا قلبى مش راحل معاه بعده مش هيأثر فيا قلبى كان تعبان معاه مكنتش حتى بشتاق لقاه بالسلامه سهل انساه