Nabil poet

لا عادى وانا هندم ليه لا عادى مش هبكى عليه ماهو اللى يبعنى وينسانى مش هجرى وراه ولا همسك فيه كويس انه باع بدرى وبان الغدر اللى ناوى عليه ده لو كان بينا سنين يعنى كان زمانى بموت بعديه هنسى خلاص حياتى معاه وهنسى اللى كان بيقوله وهنسى حتى يوم لقاه وكلامى اللى غنتهوله

انت ايه ده الحب نفسه والله حبك كفايه احساسك وانت بتقول انا بحبك كمان نستنى ماضى حياتى خليت حبك اول حكاياتى انت ايه رمشك عينك حتى قلبك ولا بسمة شوقك وضحكه منك هما دول سر حكايتى هما دول هما حياتى انا بحبك دى اقل حاجه ممكن اقولها ولا يكفيك كلمات حب لو بس اطولها لا ده حبك عشان بحبك بعتبر عمرى يا حبيبى عمرك

خلاص نسيت وعدك ؟؟ ونسيت كلمة بحبك ؟؟ ده انا كنت بستنا انك تيجى تقولهالى هعيش ازاى من بَعدك ؟؟ هتعذب اوى فى بُعدك بس مش هنسى انك سبب اللى بيجرالى انا كنت عايش فى حضنك بسمع دقة قلبك ولا كنتش اتوقع انه هييجى قسوه منك هعيش ازاى من بَعدك ؟؟ هتعذب اوى فى بُعدك بس مش هنسى انك سبب اللى بيجرالى

يا حبيبى انا مش ناسيك مهما غبت بفكر فيك يا حبيبى هفضل شاريك مهما غبت هفضل انا ليك طول ما انت حبيبى مهما تغيب هتفضل فى قلبى وعينى قريب طول ما انت حبيبى مهما تغيب هتفضل لقلبى اغلى حبيب

انا عليك بخاف واسأل كل اللى عدا وشاف ان حياتى فيها اختلاف واتغيرت انا انا عليك بخاف يا اللى حبك فى قلبى اكيد وانت جمبى ومش بعيد حياتى جنه انا عليك بخاف وبحبك حب غريب ميتوصفش غير فى حبيب يكون زيك كده انا عليك بخاف

بتطلب من تانى ليه نرجع من تانى نبعد ده اليوم اللى بعدنا فيه اشتقنا ولا قدرنا نعند افتكرالحكايه دى وده تحدى بينك وبينى واليوم اللى هنبعد فيه هتتمنى ترجع سنينى مش هقدر اعيش من غيرك ولا بَعدى هتعيش سعيد ولو فاكر سعادتك فى بعدك لا سعادتك غلطان اكيد