Nabil poet

حلو دور البنت البارده بس مش لايق عليكى تمثيلك كوميدى للغايه والغيره باينه ف عنيكى مفقوس برود الشكل وانتى متعرفيش حاجه عنه انا لو مخرج وانتى فـ فيلمى احذف كل مشاهدك منه تمثيلك الاوفر كشفته عينك مش قابله السكوت متعودِتش تعدى حاجه وهو ده اللى فاقسك موت بتقولى عادى مفيش حاجه وعارفه اللى بينكوا صداقه شكلك هتكملى ف الفيلم وشكلى هزودلك اضاءه تعرفى انك كده احلى خليكى كده لو امكن بغض النظر عن تمثيلك انا اصلا مستمتع جدا

انا كنت ازاى مقسوم نصين احترت ازاى بينك " وما بين " ان انهى حياتى معاكى بفراق فكرت ازاى ابعد اصلا ومفيش ولا ليله كنتى بعيده ومعشتش طول اليوم بشتاق انا قلبى ف لحظه حس وفاق افتكر ازاى ياما دق و داق احساس ولا مليون سنه بعدك كان يقدر مع واحده يحسه وده اصلا احساسك ليا كنتى مخبيه يمكن نصه انا فعلا لو كنت بعدت كنت افضل اندم واسترجع كل حكايتى معاكى وادمع وانا بالتالى كنت مجمع كل صورنا ف قلبى وبالى كل حياتنا لقطه بلقطه كانت مزروعه فى خيالى وانا بحمد ربنا فعلا انك لسه قاعده قصادى سامحينى كان بس مجرد تفكير .. كان طبعا قاسى وانا طبعا .. بحبك جدا ومعرفش كنت ازاى ناسى